Giuliano de' Medici (1453-1478)
![](http://upload.wikimedia.org/wikipedia/commons/thumb/c/c3/Disambiguation.svg/20px-Disambiguation.svg.png)
![](http://upload.wikimedia.org/wikipedia/commons/thumb/e/ec/Sandro_Botticelli_-_Giuliano_de%27_Medici_%28Gem%C3%A4ldegalerie_Berlin%29.jpg/250px-Sandro_Botticelli_-_Giuliano_de%27_Medici_%28Gem%C3%A4ldegalerie_Berlin%29.jpg)
![](http://upload.wikimedia.org/wikipedia/commons/thumb/d/df/Giuliano-Bronzino.jpg/220px-Giuliano-Bronzino.jpg)
Giuliano de' Medici, ganet e 1453 ha marvet d'ar 26 a viz Ebrel 1478, a oa ur penn-stad italian er XVvet kantved, kenlevier Republik Firenze e deroù an Azginivelezh italian.
E vuhez
[kemmañ | kemmañ ar vammenn]Eil mab Piero il Gottoso ha Lucrezia Tornabuoni e oa, ha Lorenzo il Magnifico a oa e vreur henañ.
O-daou e oant e penn kêr Firenze pa voe lazhet en irienn anvet Congiura dei Pazzi, diwar anv un tiegezh galloudus all e Firenze a glaske kaout an dizober eus an daou vreur evit lakaat o c'hrabanoù war aferioù kêr-benn Toskana.
Gwreg ha bugale
[kemmañ | kemmañ ar vammenn]Gant e serc'h Fioretta Gorini en devoa bet ur mab bastard, Giulio de' Medici, hag a zeuas da vout pab en 1523, hag anvet Klemañs VII adalek neuze.
Brudet eo e garantez ouzh Simonetta Vespucci, lesanvet ar « San par » (an hini hep he farez). Poltredet int bet evel an doued Meurzh ha Gwener gant Botticelli en un daolenn brudet Venere e Marte .
E varv
[kemmañ | kemmañ ar vammenn]Kann a oa bet en Santa Maria del Fiore iliz-veur Firenze, e-pad an oferenn. Kement-se a oa bet ragaozet gant an tiegezh Pazzi, gant asant ar pab Sistus IV ha skoazell Francesco Salviati arc'heskob Pisa, hag abalamour ma oa konnaret ar re Pazzi o vezañ chomet o fri war ar gloued pa oa bet roet kargoù d'ar re all. Lazhet e oa bet Giuliano, met dic'hloaz ha divac'hagn e oa e vreur henañ. Lorenzo a oa a roas urzh da grougañ an iriennerien ouzh prenester e balez.
Droug a savas neuze er pab o welout kastiz e vignoned, hag eskumunugañ a reas Lorenzo, ar breur chomet bev.
Arz
[kemmañ | kemmañ ar vammenn]Meur a boltred zo anezhañ. Pevar a zo brudet:
- unan gant Agnolo Bronzino,
- tri gant Botticelli
- Poltred Giuliano de' Medici (Botticelli Bergamo)
- Poltred Giuliano de' Medici (Botticelli Berlin)
- Poltred Giuliano de' Medici (Botticelli Washington)
Pennad kar
[kemmañ | kemmañ ar vammenn]![](http://upload.wikimedia.org/wikipedia/commons/thumb/c/c2/Juliano_de_M%C3%A9dici%2C_por_Verrocchio.jpg/220px-Juliano_de_M%C3%A9dici%2C_por_Verrocchio.jpg)
Levrlennadur
[kemmañ | kemmañ ar vammenn]- Marcello Vannucci, I Medici. Una famiglia al potere, Roma, Newton Compton Editori, 1994
- Medici, Associazioni alberghi del libro d'oro, Nike edizioni 2001
- J. R. Hale, Firenze e i Medici, Mursia, Milano 1980
- Lauro Martines, Le sang d'avril - Florence et le complot contre les Médicis - Albin Michel - Histoire - Paris - 2006